Tað er stutt millum føroysku heiðursmerkini í svimjihylinum í St. Peter Port á Guernsey.
Eyðrið Mortensen vann silvur í 1.500 metrar frí við tíðini 17:18.94. Kyra Rabess úr Caymannoyggjunum vann við tíðini 17:01.45.
Lea Osberg Højsted vann silvur í 200 metrar bringu við tíðini 2:37.24. Asia Kent úr Gibraltar vann við tíðini 2:34.30.
Bartal E. Eidesgaard vann silvur í 200 metrar frí við tíðini 1:52.52. Peter Allen av Oynni Man vann við tíðini 1:51.89.
Róland Toftum vann bronsu í 50 metrar bringu við tíðini 29.05. Charlie Joe Hallett úr Guernsey vann við tíðini 28.11.
