Í kvøld er landsdystur millum Danmark og Føroyar í mansfótbólti á Brøndby Stadion. Talan er um annan vinardyst í ár, hin fyrri var móti Liktinstein, sum Føroyar vunnu 4-0. Talan er um størri avbjóðing í kvøld, men Håkan Ericson hevur sagt, at hann fer at gera nógvar útskiftingar, líka mikið, hvussu gongdin verður í dystinum.
Her nøkur fakta um føroyska liðið:
* Fótbóltssamband Føroyar varð stovnað í 1979.
* Í 1988 fekk sambandið limaskap í altjóða fótbóltssambandinum Fifa, og í 1990 gjørdist sambandið limur í evropiska fótbóltssambandinum Uefa.
* Føroyar spæla heimadystin sínar á Tórsvølli í Havn, har pláss er fyri 5.000 áskoðarum til altjóða dystir.
* Føroyar hava ongantíð vunnið seg til EM ella HM endaspæl.
* Sviin Håkan Ericson er føroyskur landsliðsvenjari. Hann tók við starvinum eftir danan Lars Olsen í desember í 2019.
* Fýra føroyskir spælarar hava sína dagligu gongd í donskum fótbólti: Mattias Lamhauge (FC Fredericia), Daniel Johansen (Thisted), Hördur Askham (AB) og Adrian Justinussen (Hillerød).
* Føroyar liggja sum nummar 135 á styrkilistanum hjá Fifa.
Áður spældir almennir A-landsdystir millum Føroyar og Danmark:
* 1990: Danmark - Føroyar 4-1 (EM-undandystur).
* 1991: Føroyar - Danmark 0-4 (Landskorna, EM-undandystur).
* 2000: Føroyar - Danmark 0-2 (venjingardystur).
* 2020: Danmark - Føroyar 4-0 (venjingardystur).
* 2021: Føroyar - Danmark 0-1 (HM-undandystur).
* 2021: Danmark - Føroyar 3-1 (HM-undandystur).
Keldur: Fótbóltssamband Føroya, Fifa og dátugrunnur hjá DBU.
/ritzau/