SMS: StÍF vann greiðan sigur á VB

Ein dystur var seinnapartin leiktur í SMS-deildini í høllini á Skála.

StÍF tók ímóti VB, og eydnaðist tað strandakvinnum at vinna ein greiðan 36-28 sigur á VB. Í steðginum var StÍF á odda 18-10.

Natasja Hammer var toppskjútti hjá StÍF, og Erna Pajić var toppskjútti hjá VB. Tær báðar skutu 10 mál hvør.

StÍF er við 24 stigum bert eitt stig aftanfyri H71 á triðja plássinum. Liðið sum endar á triðja plássinum í grundspælinum sleppur at spæla FM-fjórðingsfinalu móti EB á heimavølli.

Komandi týskvøld klokkan 18.30 tekur StÍF móti H71 á heimavølli.

Í morgin klokkan 14 vera tveir dystir leiktir. Í Hoyvíkshøllini tekur H71 móti Neistanum, og í høllini á Eiði tekur EB móti Kyndli. 

HER er dómaraseðilin hjá HSF frá dystinum millum StÍF og VB:

##med2##