1.deild menn: 07 Vestur, AB og Skála vunnu øll í kvøld. 07 Vestur vann 2-0 á Víkingi, AB vann 3-0 á B68 og Skála vann ikki minni enn 8-0 á EB/Streymi.
Øll trý oddaliðini í 1.deild hjá monnum høvdu heimavøll í kvøld. Í Sørvági vann 07 Vestur 2-0 á Vìkingi. Tað var ikki fyrr enn eitt korter fyri tíð, at hol kom á, tá Emil Mikkelsen legði heimaliðið á odda. Stutt seinni økti Hørður Johansen. Jovan Radinovic- Panic brendi brotsspark í fyrra hálvleiki.
Á Argjum vann AB 3-0 á B68. Longu í fyrsta álopinum legði Jobin Drangastein AB á odda. Eitt korter seinni økti Jónas Stenberg eftir innlegg úr vinstru. Talan var um gott mál úr spískum í høgru. Argjamenn vóru leikliga omaná, men eina løtu í seinna hálvleiki beit B68 frá sær. Í seinasta álopinum í dystinum staðfesti Bjartur Kjærbo sigrurin fyri argjamenn.
Skála vann ikki minni enn 8-0 á EB/Streymi, sum fekk ein mann útvístan longu aftaná tveir minuttir. Ólavur Mikkelsen skoraði ikki færri enn fýra mál, meðan Brian Jacobsen fekk trý og Edvin Jacobsen eitt.
B71 vann greiðan 3-0 sigur á NSÍ á Sandi, meðan HB vann 3-1 á KÍ í Klaksvík.
Sunnudagin klokkan 15 sigur Tróndur Arge frá oddadystinum millum AB og 07Vestur á Rás2.
1.deild menn:
AB B68 3-0 (2-0)
1-0 Jobin Drangastein, 2
2-0 Jónas Stenberg, 14
3-0 Bjartur Kjærbo, 90
07 Vestur Víkingur 2-0 (0-0)
1-0 Emil Mikkelsen, 74
2-0 Hørður H. Johansen, 83
Skála EB/Streymur 8-0 (2-0)
Reytt kort Finnbjørn Zachariasen, 2 (EB/Streymur)
1-0 Ólavur Mikkelsen, 4 (br)
2-0 Ólavur Mikkelsen, 8
3-0 Ólavur Mikkelsen, 53
4-0 Brian Jacobsen, 54
5-0 Brian Jacobsen, 60
6-0 Brian Jacobsen, 63
7-0 Edvin Jacobsen, 68
8-0 Ólavur Mikkelsen, 86
KÍ HB 1-3 (1-0)
1-0 Johan Jacobsen
1-1 Jógvan Andrias Nolsøe, 66
1-2 Hendrik Rubeksen, 69
1-3 Kristin R. Mouritsen, 90+4
B71 NSÍ 3-0 (meiri seinni)
Støðan 1.deild menn:
1. 07 Vestur 50 stig
2. AB 46
3. Skála 45
4. HB 34
5. Víkingur 27
6. B71 27
7. KÍ 26
8. EB/Streymur 20
9. NSÍ 14
10. B68 11
