Rás2 byrjaði sum ein nýggj radiostøð við nýggjari útgerð, í somu hølum sum Atlantic Radio áður hevði hildið til, við Hoyvíksvegin í Havn.
Eigarar vóru feløgini Sp/f JPS v.Janusi Rein, Peturi J. Samuelsen og Suna Jacobsen, og ADJ-Sound, sum er eitt felag hjá Peturi Jacobsen, sum var stjóri á útvarpsstøðini. Í februar 2004 flutti radiostøðin til Søldarfirðar.
Í september 2007 keypti P/F Miðlavarpið, sum er eitt dóttirfelag hjá Sosialinum, útvarpsstøðina Rás2. Síðan mánadagin 5. oktober 2007 hevur støðin hildið til í Miðlahúsinum í Vágsbotni. Stjóri á Rás2 er Jonhard Hammer.
