Í minsta lagi 15 fólk eru særd í einum russiskum álopi á býin, Kharkiv, sum er næst størsti býur í Ukraina.
Tað sigur guvernørurin í økinum, Oleh Synjehubov, á Telegram. Hann leggur aftrat, at millum tey særdu eru fýra børn.
Sambært guvernørinum vórðu ellivu íbúðarblokkar raktir, eini hús, tólv bilar, tveir skúlar, ein barnagarður, ein venjingarmiðstøð, handlar og vørugoymslur í býnum.
Í allari regiónini, sum liggur nærindis markinum til Russlands, vóru tilsamans 16 fólk særd, harav tey 15 bara í Kharkiv, veit tíðindastovan NTB at siga í morgun.
