Og tá tosað verður um almennan gongurætt, so verður dentur kortini lagdur á, at er ein gongurættur við treytum og avmarkingum, meðan jarðareigarar varðveita brúksrættin, millum annað til seyðahald. Kanningin vísir, at út við 80 prosent av fólkinum í Havn tekur undir við hesum, og út við 70 prosent av fólkinum uttan fyri Havnina.
Spyr.fo hevur gjørt kanningina í september í ár. 756 fólk eru spurd. 372 í meginøkinum og 384 í restini av landinum. Í kanningini verður eisini spurt, um vit skulu hava nýggja lóggávu, sum skipar eina felags loysn fyri alt landið í mun til gongd í haga og møguligt gjald. Her eru føroyingar eisini púra greiðir á máli: 80 prosent av havnarfólki siga ja, og 75 prosent av fólkinum uttan fyri Havnina siga eisini ja. Og tá spurt verður, um bøndur sjálvir skulu gera av, um gjald skal ásetast og hvussu gjaldið skal skipast, eru fólk í Føroyum eisini sera greið: Tað skulu bøndur als ikki.
Út við 80 prosent av fólkinum í Havn sigur nei, og góð 60 prosent av fólkinum uttan fyri Havnina siga eisini nei til tann spurningin. Í kanningini verður eisini spurt, um ferðafólk skulu rinda eitt náttúruverndargjald, tá tey koma til landið í staðin fyri at rinda við gjaldsportur. Aftur her er svarið púra greitt ja. Út við 80 prosent av fólkinum í Havn siga ja, og út við 70 prosent av fólkinum uttan fyri Havnina sigur eisini ja.
##med2##
Niðurstøðan í hesi meiningakanning er púra greið, at kalla líka greið, sum niðurstøðan var hjá tingfólkum, tá Sosialurin spurdi tey 20. mai í ár, um gjaldsportrið í Saksun skal takast niður. Tað er Visit Faroe Island, sum hevur latið hesa kanning gjørt, og hon varð løgd fram fyri rættarnevndini hjá Løgtinginum, sum í løtuni viðger uppskot hjá Javnaðarflokkinum um gongd í haga. Tað uppskotið gongur í stuttum út uppá, at allir føroyingar hava rætt at ganga í haga við ávísum avmarkingum.
Meira kann lesast um kanningina og um málið í vikuskiftis Sosialinum, sum haldara eisini kunnu lesa á sos.fo
##med3##
##med4##
##med5##
