Áki Egilsnes gjørdi stóran mun og skoraði trý mál seinastu sjey minuttirnar tá hann og liðfelagarnir í EHV Aue vunnu ein sera týdningarmiklan 32-29 sigur á Eintracht Hagen á útivølli í næstbestu týsku hondbóltsdeildini.
EHV Aue var á odda 15-14 í steðginum.
Tað skal tó nógv til um EHV Aue skal sleppa undan at flyta niður í triðbestu deildina.
EHV Aue er aftast í 2. bundesligu við 21 stigum. Áki og liðfelagarnir hava fýra stig upp til fjórðaftasta plássið, ið gevur eitt nýtt kappingarár í 2. bundesligu.
EHV Aue hevur bert fýra dystir eftir at spæla í kappingini, og tí skulu nógvir lutir ganga teirra veg um teir skulu bjarga plássinum í deildini.
Sunnudagin 22. mai spælir EHV Aue á heimavølli móti Rostock í tí fjórðseinasta dystinum hetta kappingarárið.