Albert II fúrsti av Monaco, sum vitjaði í Føroyum í vikuni, segði í samrøðu í Degi og Viku hóskvøldið 23. juli at í Monaco verður nógv gjørt við at verja umhvørvið. Í sambandi við eina umhvørvismessu herfyri í Monaco fekk hann ein spildurnýggjan BMW 7 Hydrogen brintbil til testkoyring.
Tilsamans hundrað BMW 7 Hydrogen brintbilar vórðu gjørdir til testkoyring, og umframt Albert II, fúrta av Monaco, fingu fleiri evropeiskir politikarar bilar til royndarkoyring eins og onnur kend fólk sum t.d. Cameron Diaz, Will Ferrell, Jay Leno og Plácido Domingo.
