Tíðindi

Amerikanskur sendiharri til Føroya

Gulldrongurin hjá Obama steðgar í Føroyum í tveir dagar

Í morgin kemur J. Rufus Gifford, amerikanski sendimaðurin í Danmark, til Føroya at vitja løgmann. 

Á ferðini í Føroyum fer nýggi amerikanski sendimaðurin eisini at hitta landsstýrismannin í vinnumálum, Løgtingið, føroysk vinnulívsfólk og lesandi, sigur Løgmansskrivstovan.


J. Rufus Gifford varð í summar settur í starv sum amerikanskur sendimaður í Danmark. Hetta er fyrstu ferð, at hann vitjar í Føroyum.


Amerikanski sendimaðurin fer av landinum aftur fríggjadagin.

J. Rufus Cliffort er ein ógvuliga sermerktur maður. Hann verður onkuntíð kallaður pengamaskinan hjá Barack Obama og Politiken kallaði hann herfyri fyri gulldreingin hjá Obama og sipaði til, at hann var ómetaliga dugnaligur at savna pening saman til valstríðið hjá forsetanum.

Í hesum sambandi hevur hann savnað eina heila milliard dollarar til valstríðið hjá demokratunum og tað sigst, at starvið, sum sendiharri í Danmark, er takkarlønin frá Obama

Hann er eisini annar amerikanski sendiharrin, sum alment hevur kunngjørt, at hann er samkyndur.

Mest lisið

Myndir: FSF-fótbóltsskúli

Myndir: Javnleikur í Runavík

Ein serstøk uppliving í Leirvík

Framdu eitt av aldarinnar brøgdum - FØROYAR ERU Í U21 HM-FJÓRÐINGSFINALUNI

Hans Edward er kokkur umborð á Gadus