Stórur fótbóltsdystur verður í Sarpugerði í Gøtu seint seinnapartin. Fyrsta bríksl verður klokkan 17, tá ið Víkingur fær vitjan av B36.
Fyri báðar partar snýr setningurin seg um at royna at halda tørn, so fjarstøðan fram til toppliðið HB ikki verður so stór, at tað fer at kennast mest sum ógjørligt at fáa HB aftur.
Serliga víkingarnir eru sperdir, nú teir hava tapt í Gundadali ímóti HB og hava spælt javnt ímóti bæði AB og TB, sum 2. hvítusunnudag fór úr Sarpugerði við málleysum javnleiki.
Tølini siga, at Víkingur hevur ilt við at skjóta mál. Víkingur hevur einki mál skorað tvær tær seinastu ferðirnar. Síðsta málið hjá Víkingi var rimmar málið, sum Ari Olsen skoraði, og sum bar 1-0 heimasigur ímóti NSÍ við sær.
Sambært hagtølunum hjá bolt.fo hava víkingarnir ikki verið so grammir, sum teir ofta hava verið kendir at vera, tí mótstøðuliðini hava verið drúgvari í nærdystunum.
Tølini siga, at B36 vinnur úrtøku aðru hvørja ferð, tá ið árstalsfelagið vitjar í Gøtu. Samanlagda liðið hjá teimum í Gøtu og Leirvík spældi fyrstu ferð í 2008. 18 ferðir hava Víkingur og B36 dystast í Gøtu. Heimaliðið hevur vunnið 9 ferðir, og B36 hevur vunnið fýra ferðir. Fimm ferðir er tað endaði javnt.
Í Gundadali hevur B36 vunnið 9 ferðir, Víkingur hevur vunnið 6 ferðir, og tríggjar ferðir er tað endað javnt.
Í fjø vóru dystirnir ikki málríkir í Gøtu. Víkingur vann tann fyrra 1-0, og B36 vann tann seinna 1-0. Í Gundadali vann B36 2-1.
B36 skal reisa seg eftir 4-2 vónbrot í grannauppgerðini ímóti HB 2. hvítusunnudag.
Hjá B36 er Alex Mellemgaard leikbannaður, og fýra spælarar eru skaddir: Málverjin Símun Rógvi Hansen, miðverjarnir Andrias H. Eriksen og Erling D. Jacobsen og miðvallarin Hugin Samuelsen.
Hjá Víkingi eru allir spælararnir tøkir.
