##med2##
Í tí stóra og heila er U21-landsliðsvenjarin, Sámal Erik Hentze nøgdur við avrikið føroyska U21-landsliðið legði fyri dagin móti Norðurmakedonia í U21 EM-undankappingardystinum á Tórsvølli fyrr í dag, har Føroyar taptu tepurt 1-2.
Føroyar - Norðurmakedonia 1-2 (0-1)
0-1: Milan Ristovski 16.
0-2: Kristjan Ackovski 80.
1-2: Petur Knudsen 85.
At Føroyar átti at vunnið heldur Bagge kanska ikki, men hann heldur, at hansara menn avrikaðu nógv til, at tað kundi givið føroyska liðnum ein góðan javnleik í dag.
Við 3-1 sigrinum á Ísrael í farnu viku, og góða leikliga avrikinum í dag kann Bagge hyggja aftur á eina sera gevandi viku. Men tað hevur eisini givið avbjóðingar at hava verið avbyrgdir á einum øki fyri seg á Hotel Føroyum, men tað hevur gingið væl eftir umstøðunum.
- Hetta liðið hevur eina bjarta framtíð, heldur Bagge.
Á ljóðfíluni omanfyri ber til at hoyra samrøðuna Árni Gregersen gjørdi við Sámal Erik "Bagga" Hentze í tíðindasendingini klokkan 17.
HER ber til at hoyra frásøgumannin hjá FM1, Trónd Arge siga frá málunum og dystarendanum. Vit hoyra eisini Trónd taka stutt samanum dystin.
