Bill Justinussen spyr í einum grein 52 spurnigini landsstýriskvinnuna í mentamálum um málið. Hann spyr soleiðis:
- Hvør er orsøkin til, at almenni fjølmiðilin ikki møtti, ei heldur hevur umrøtt týðandi hending, ið fór fram á Listasavni Føroya hósdagin 25. november 2010.
Bill Justinussen vísir á, at Dugni er ein endurbúgvingarstovnur, sum hevur til endamáls m. a. at royna arbeiðsevnini hjá borgarum, ið eru vinnutarnaðir og at skipa fyri arbeiðsvenjing, endurbúgving og umskúling, so vinnutarnað aftur kunnu fara til arbeiðis. Hann heldur, at Dugni hevur ein týðandi leiklut í samfelagnum, tá tað ræður um borgarar við skerdum førleika.
Bill Justinussen heldur, at tað er átalu vert, at ein slík søgulig hending, sum hendan, ikki fær rúmd í Kringvarpinum, sum vit øll við lóg skulu gjalda til.
Vit halda, at hóast ein tíðindaredaktión sjálvandi hevur sítt frælsi at velja, hvørji tíðindi verða borin, so verður áhugavert at frætta, um Kringvarp Føroya hevur sítt full frælsi at velja frá positiv tíðindi um aðrar miðlar – hvørja hugsan landsstýriskvinnan í mentamálum hevur til tað – ella um hon hevur nakra hugsan um tað...
