Helsingborg IF er í løtuni undir niðurflytingarstrikuni í bestu svensku deildini. Liðið tapti í dag 3-2 móti Örebro og serliga Nahir Besara, sum skoraði tvey og legði upp til eitt mál.
Heimaliðið úr Örebro gjørdi skjótt av í fyrra hálvleiki. Longu aftaná 24 minuttir hevði Nahir Besara bæði skora og lagt upp til mál. Tá komu gestirnir úr Helsingborg í gongd. Fyrts javnaði Anthony van den Hurk og nærmastur at javna var Brandur Hendriksson, tá hann royndi at lyfta bóltin uppum málverjan.
Tað endaði við, at Nahir Besara átta minuttir fyri tíð kundi økja frá brotssparksblettinum til 3-1. Tá bleiv føroyski miðvallarin skiftur út og Helsingborg satsaði alt seinastu løtuna. Tað gav eitt mál, sum áleyparin Max Svensson skoraði, men tað var ikki nokk.
Nú byrjar at blíva spennandi, tí tað eru bara fimm umfør eftir. Helsingborg er nummar 14 av 16 og tað júst undir niðurflytingarstrikuni. Teir kappast við kenda stórfelagið IFK Göteborg, sum hevur 24 stig á 13. plássi.
Nummar - Felag - Dystir - Málúrtøka - Stig
| 1 | Malmö FF | 25 | 26 | 50 |
| 2 | BK Häcken | 24 | 14 | 40 |
| 3 | IFK Norrköping | 24 | 14 | 39 |
| 4 | Djurgårdens IF | 24 | 12 | 39 |
| 5 | IF Elfsborg | 24 | 7 | 39 |
| 6 | Hammarby | 25 | 5 | 39 |
| 7 | IK Sirius FK | 24 | -1 | 35 |
| 8 | Östersunds FK | 25 | -3 | 33 |
| 9 | Örebro SK | 25 | -4 | 33 |
| 10 | Mjällby AIF | 25 | -4 | 32 |
| 11 | AIK | 23 | -2 | 30 |
| 12 | Varbergs BoIS FC | 24 | -5 | 27 |
| 13 | IFK Göteborg | 25 | -12 | 24 |
| 14 | Helsingborgs IF | 25 | -13 | 22 |
| 15 | Falkenbergs FF | 25 | -16 | 20 |
| 16 | Kalmar FF | 25 | -18 | 20 |
