Chelsea liðskiparin, John Terry, hevur skrivað undir ein eittára sáttmála, sum varir til 2015.
Tað veit BBC Sports at siga.
33 ára gamli verjuleikarin, sum debuteraði í 1998, kom til felagið sum ungdómsleikari frá West Ham.
Galdandi sáttmáli millum Terry og Chelsea gekk út í summar.
- Eg eri sera fegin um at hava longt sáttmálan við Chelsea sum merkir, at eg gangi inn í 20. árið sum Chelsea spælari, sigur John Terry.
- Eg ynski at takka viðhaldsfólkinum og felagnum fyri teirra áhaldandi stuðul, og venjaranum (Jose Mourinho), sum var alt avgerandi fyri meg í farna kappingarári, sigur John Terry.
