Tað var bólkafinala í bólki D í HM í manshondbólti í kvøld, har Danmark og Argentina hittust. Danmark greiddi sína skyldu sum stórfavorittur og vann dystin greitt 31-20.
Føroyingurin á danska landsliðnum, Jóhan á Plógv Hansen, var inni í seinna hálvleiki og skeyt eitt mál. Mikkel Hansen var toppskjútti við sjey málum.
Við sigrinum í kvøld hevur Danmark tryggjað sær mest møguliga stigatalið, nevniliga fýra, víðari til millumumfarið, har teir hitta Katar, Kroatia og Japan.
Danska leikskráin í millumumfarinum:
Hósdagin kl.17.00 ímóti Katar
Leygardagin kl.19.30 ímóti Japan
Mánadagin kl.14.30 ímóti Kroatia
