Tíðindaskriv:
Ulla Joensen, stjóri í Elektron helt røðu. Eisini hildu Brian Smedemark, og Aksel Johannesen, løgmaður, røðu, ávikavist vegna nevndina og vegna ognarskapin í landinum.
“Elektron er ikki bara ein fyritøka – tað er eisini fólksins ogn. Í 60 ár hava vit ment KT-loysnir, sum hava broytt gerandisdegin hjá føroyingum til tað betra. Tað eru vit errin um, og eisini takksom fyri.” – Ulla Joensen
“Tað er stórt at kunna hátíðarhalda 60-ár saman við kundum, samstarvspartnarum og starvsfólkum – uttan tykkum var einki Elektron. Vit lova at halda kósina, og halda fram við at arbeiða fyri at tryggja, at føroyingar hava atgongd til nútímans og tryggar KT-loysnir.” – Ulla Joensen
Góða huglagið varð stuðla upp undir av góðum tónleiki. Erla Bech Nolsø trein fyrst á pall saman við Torleiki Mortensen og Kristiani Paula Ellefsen og hugbant við síni vøkru songrødd, og seinni kom Guðrið Hansdóttir á pall, at enda tiltakið við manér.
60 ár í føroyska samfelagnum
P/F Elektron varð stovnað tann 9. september í 1965 av Føroya Banka, Tryggingarsambandinum, Føroya Sparikassa og Sjóvinnubankanum. Tað var stjórin í Føroya Banka Sv. Aa. Nonnegaard-Pedersen, sum kom við hugskotinum at stovna eina KT-fyritøku, ið kundi røkja bókhaldsuppgávur fyri bæði stovnararnar og onnur viðskiftafólk. Elektron bleiv sostatt ein av fyrstu KT-fyritøkunum í norðanlondum.
Við 60-árum á bakið er fyritøkan fastur partur av føroyska samfelagnum, og hevur verið við til at dríva samfelagið fram móti tí vit kenna í dag.
Sum dømi kunnu nevnast, at Elektron var við til at fáa eina heimabankaskipan til Føroya í 1997, at Elektron í 2006 stovnaði p/f EITT saman við Kall, fyri at fáa betur netloysnir til føroyingar, og at Elektron í 2011 fór í holt við at menna eina “e-boks” til trygt samskifti – ein skipan sum flest øll í dag kenna sum Mínboks. Umframt hesi, kann Elektron eisini vísa á at hava ment bæði Borgaragluggan og Vinnugluggan til Taks – báðar skipanir, ið á hvør sín hátt lætta um bæði hjá borgarum og hjá vinnuni.
Um Elektron
Elektron er millum landsins størstu veitarar av KT-tænastum til føroyskar fyritøkur og almennar stovnar. Umframt at Elektron hýsir føroya størstu hýsingarstøð, bjóðar Elektron tænastur sum t.d. skipanarmenning, net, KT-ráðgeving, Mínrokning og Print og Pakking.
Á Elektron starvast uml. 70 fólk, og árliga sølan er umleið 100 mió.kr.
##med2##
##med3##
##med4##
##med5##
##med6##
##med7##
##med8##
##med9##
##med10##
##med11##
##med12##
##med13##
