Føroyingaliðið í næstbestu norsku fótbóltsdeildini, Bryne vitjaði Jerv á útivølli ígjár.
Bryne tapti dystin 1-2. Jerv skoraði sigursmálið í tíðini sum dómarin hevði lagt aftrat.
Rógvi Baldvinsson var við frá dystarbyrjan, og Meinhard E. Olsen kom á vøllin tá ein tími var spældur av dystinum.
Meinhard hevði verið á vøllinum í minni enn eitt korter tá hann aftaná eina góða fríspæling í brotsteiginum hjá Jerv legði Bryne á odda 1-0. Minuttin aftaná javnaði Jerv, og teir fóru við øllum í tíðini sum dómarin hevði lagt aftrat.
Talan er um triðja málið hjá Meinhardi fyri Bryne í hesari kappingini.
Komandi fríggjadag tekur Bryne móti Grorud á heimavølli.
Bryne er nummar seks í deildini við sjey stigum fyri fimm dystir.
Her ber til at síggja málið hjá Meinhardi og hini hæddarpunktini frá dystinum: https://www.brynefk.no/bryne-tv
