Fjølbroyttu og mongu hægri útbúgvingarnar og lærugreinarnar á hægri námi á Glasi eru allar yrkis- og vinnurættaðar. Somuleiðis eru allar stigmettar eftir ECTS-skipanini (European Credit Transfer and Accumulation System). Tú kanst lesa fulla tíð, lesa parttíð við síðuna av starvi tínum, ella taka stakar lærugreinar, sum betra tínar førleikar á ávísum økjum. Nú ber til at søkja inn á fleiri útbúgvingar og stakar lærugreinar á hægri námi á Glasi, sum byrja 1. februar 2021.
Á akademiútbúgvingini (AÚ) og diplomútbúgvingini í leiðslu (DLÚ) byrjað nýggjar og spennandi lærugreinar 1. februar. Í báðum førum kanst tú taka stakar lærugreinar, sum eisini kunnu verða partur av fullari útbúgving (hvør lærugrein gevur tær ECTS-stig, sum telja í samlaðu útbúgvingini). Tú kanst somuleiðis søkja inn á HD, har tríggjar lærugreinar verða bodnar út. Harafturat byrjar ein nýggjur flokkur í byggifrøði (BF) síðst í januar. Byggifrøði er ein sonevndur professiónsbachelor, sum tekur 3½ ár.
Umsóknarfreistin til allar útbúgvingarnar er 10. januar á www.innskriving.glasir.fo.
HESAR LÆRUGREINAR VERÐA BOÐNAR ÚT Í FEBRUAR:
Akademiútbúgvingarnar:
- Søla og marknaðarføring (SOM): Marknaðarkunning og -greining - mikukvøld kl. 18-21
- Búskapur og tænasta (BOT): Vinnubúskapur - mikukvøld kl. 18-21:20
- Leiðsla (L): Fyriskipan og starvssálarfrøði - týskvøld kl. 18-21:20
Diplomútbúgvingin í leiðslu: Fríggjadag kl. 14-17 og leygarmorgun kl. 09-14
- Strategisk leiðsla – februar
- Human Resource Management (HRM) og leiðsla – mars
- Toymisleiðsla – apríl
- Búskaparlig leiðsla – mai
- Leiðsla við sosialum kapitali - juni
HD: Mánakvøld og mikukvøld kl. 16-19:20
- Samfelagsbúskapur
- Vinnulívsrættur
- Fígging og íløgugreining
Byggifrøði: Fulltíðarútbúgving allar yrkadagar millum kl. 8:10 og 15:10
Afturat hesum útbúgvingunum verða fleiri áhugaverd skeið boðin út í vár, eitt nú í projektleiðslu og nýggjari lærugrein á fyrisitingarútbúgvingini. Skeiðini, innihald og tíðir verða kunngjød seinni. Les meira á www.glasir.fo.
