Danska verðurstovan DMI væntar, at veðrið verður hampiligt um vikuskiftið. Onkur æl vera, men tað verður fyri tað mesta turt, og sólin fer at kaga fram onkrar løtur.
DMI sigur, í dag vera 3-8 m/s landnyðringi og norði. Samdrigið og fyrst á degnum ælaveður, men eisini sólglottar. Hitin verður millum 8 og 13 stig. Í kvøld og í nátt skýggjað og fyri tað mesta turt. Hitin verður millum 6 og 10 stig.
Sunnudagin vera 3-8 m/s av landnyðringi og norði. Samdrigið og fyri tað mesta turt. Møguleiki verður fyri nakað av sól. Hitin verður millum 9 og 12 stig.
