Ein 30 ára gamal er í kvøld dripin av skotum á Christiania.
Tað upplýsir Poul Kjeldsen, politiinspektørur hjá Københavns Politi, á tíðindafundi.
– Ein 30 ára gamal maður er deyður. Hann er kendur í rockara-bandaumhvørvinum, sigur Poul Kjeldsen.
Skottilburðurin kann hava røtur í einum verandi stríði, og tað kann ikki útilokast, at hann hevur samband við hassjhandil, sigur politiinspektørurin.
Løgreglan leitar eftir tveimum monnum, sum verða hildnir at standa aftan fyri skottilburðin.
##med2##
Teir báðir skulu vera komnir í maskum og myrkum klæðum til Christiania, síðani fóru teir inn í bygningin Streneskibet á Pusher Street.
– Teir lata skot av og fara inn í Stjerneskibet yvir móti einum persóni, lata skot av og flýggja síðani haðani, sigur Poul Kjeldsen.
Teir báðir menninir flýddu móti Langebro á elsúkklum av slagnum Mate.
Tað eru fýra persónar, sum eru raktir av skotum. Ein er í kritiskari støðu men stabilur. Hinir eru lættari særdir, upplýsir politiinspektørurin.
Løgreglan kennir samleikan hjá øllum ofrunum, men upplýsir ikki, um samband er millum persónarnar.
##med3##
##med4##
Tað er ógreitt, um talan kann vera um, at tilvildarligir persónar eru raktir í skottilburðinum. Poul Kjeldsen, politiinspektørur, upplýsir á tíðindafundinum ikki meira um smálutirnar.
Københavns Politi hevur handtikið tveir persónar á Christiania. Løgreglan er við at greiða, um teir hava samband við skottilburðirnar, sigur Poul Kjeldsen.
Síðani fráboðanin mom klokkan 19:25 hevur løgreglan verið mannsterk til staðar á Christiania.
##med5##
Á X, fyrr Twitter, upplýsti løgreglan klokkan 20.24, at fleiri vóru rakt:
– Vit kunnu í sambandi við støðuna á Christiania vátta, at fleiri eru rakt av skotum.
– Sjálvur skottilburðurin fór fram við Stjerneskibet. Vit hava tí sperrað eitt størri øki og biða um, at hendan avsperring verður respekterað, skrivaði løgreglan.
Løgrelgan fer komandi tímarnar at verða á staðnum í Christiania. Tað er talan um eitt trygdarskapandi átak, upplýsir løgreglan.
/ritzau/
