TRÝST á PÍLIN undir MYNDINI, og hoyr samrøðuna Tróndur Arge gjørdi við hjálparvenjaran, og í dag virkandi venjaran hjá B36, Fróða Clementsen, og við Jákup á Borg, høvuðsvenjara, sum hevði karantenu til dystin í dag, tá B36 vann 5-1 á KÍ norðuri í Klaksvík.
Fróði Clementsen heldur, at tað eru ótrúliga gott av hansara monnum at megna at vinna 5-1 á einum vanliga torførum útivølli.
Jákup á Borg fegnast um, at hansara menn eisini stóðu væl í verjuni í dag. Tað hevur gingist væl at skjóta mál hjá B36, men tað hevur haltað við verjupartinum, men tann parturin riggaði í dag. Jákup á Borg heldur, at B36 verða øðiligir, tá bæði verja og álop fara at rigga til fulnar.
Fróði Clementsen var ein hásur maður aftaná 5-1 sigurin í Klaksvík í dag, men hann greiðir frá, at tað var tí hann skuldi rópa so nógv boð fyri Jákup á Borg út á vøllin. Jákup á Borg í sínum lagi gleðir seg til at standa við síðulinjuna aftur í komandi umfari.
