Kirsten Strøm Bech, sum hevur verið borgarstjóri í Vági seinastu tvær seturnar, stóð við sítt orð og er tí ikki á listanum hjá Javnaðarflokkinum til býráðsvalið.
Átta valevni eru á listanum: Poul Augustinussen, Tórður Poulsen, Eyðdis Kjærbo, sum øll sita í býráðnum, Maiken Sandá, Reidar Joensen, Karin Strøm, Vígdis Nolsøe og Bjarni Johansen.
Uttanflokkalistin, sum bara hevur eitt umboð í býráðnum, stillar 10 fólk upp til býráðsvalið. Tey eru: Sigmund Andreasen, Lív Kirke Godtfred, Jensa Jensen, Conrad Gaard Joensen, Páll Lervig, Martin Mikkelsen, Olgar Mortensen, Mortan Norðberg, Árni Nolsøe og Heri Hjelm.
Valið í Vági kann gerast spennandi, tí fyri fýra árum síðan yvirtók Javnaðarflokkurin borgmeistarasessin frá Tjóðveldinum, og nú stillar sitandi býráðsformaður ikki uppaftur.
Tað hevur ikki eydnast at fáa listarnar hjá Sambandsflokkinum og Tjóðveldi.
