Tveir dystir í næstbestu fótbóltsdeildini vóru á skránni Kristi himmalsferðardag. Skála og FC Suðuroy, sum hava runnið aftaná B68 í royndini at vinna seg fram á uppflytingarpláss, vóru bæði á útivølli, og tað skarst ikki væl hvørki hjá Skála ella FC Suðuroy.
Teir næstbestu hjá B36 vóru vertir fyri FC Suðuroy, og tað var ikki eiti, sum teir í árstalsfelagnum spílaðu seg út. B36 vann 5-1, eftir at hálvleiksstøðan var 3-1. Merkisvert var tað, at allir málskjúttarnir hjá heimaliðnum eru av unga ættarliðnum, sum er um at bjóða seg fram í kappingini um plássini á besta liðnum.
Skálamenn vitjaðu teir næstbestu í Víkingi, og eisini í hesi uppgerðini noyddust gestirnir krøktir til hús aftur. Víkingur vann 2-0. Fyrra málið skoraði heimaliðið beinanvegin, og so reið tað leingi um snarið, men lítla løtu undan leikloki varð sigurin staðfestur.
Úrslitini bera við sær, at tað nú eru seks stig frá B68 og aftur til næstu avbjóðararnar í kappingini um uppflyting.
1. deild
B36-FC Suðuroy 5-1 (3-1)
1-0: Robert Heðin Brockie 13.
2-0: Tóki á Lofti 29.
3-0: Tóki á Lofti 30.
3-1: Teitur Tausen 32.
4-1: Sandri Færø 75.
5-1: Rúni Høgnesen 90.+1.
Víkingur-Skála 2-0 (1-0)
1-0: Jan Poulsen 8.
2-0: Per Gregersen 89.
www.faroesoccer.com
Støðan eftir 8 umfør
B68 20 stig
HB 16 stig
Skála 13 stig
FC Suðuroy 13 stig
B36 11 stig
KÍ 10 stig
Víkingur 10 stig
TB 10 stig
EB/Streymur 6 stig
B71 4 stig
9. umfar
Leygardagin 11. mai
B68-B71
HB-KÍ
Sunnudagin 12. mai
FC Suðuroy-Víkingur
TB-B36
Skála-EB/Streymur
