Eirikur bestur í mótvindinum

Veðrið var ikki tað besta til renning, og tað sást aftur í tíðunum, ið ikki blivu serliga góðar í nógva mótvindinum frá Funningsfirði út á Toftir. Men tað tekur einki frá sannførandi sigrinum hjá Eiriki Hansen – fýra minuttir framman fyri nummar tvey

Hilmar Jan Hansen

18.01.2010 (12:08)

<style type="text/css">  </style>  <o:p></o:p> <p class="MsoNormal">Tvær ferðir varð kappingin avlýst fyri veður, og tá hon endiliga var gjøgnumførd leygardagin, var veðrið nú heldur einki at reypa av. Gamaní, vóru hálkan og kavin ikki nakar trupulleiki, men hinvegin var nógvur vindur – og hann var ímóti allan samlan teinin, frá startinum og til málið!</p> <p class="MsoNormal">Hetta sást eisini aftur á tíðunum, sum av tí sama ikki kundu gerast serliga góðar. Eitt nú var vinnaratíðin hesa ferð næstan 20 minuttir verri enn fyri einum ári síðani, men tað skal ikki standa rennarunum til last, tí teir royndu at kýta seg og berjast sum frægast ímóti mótvindinum.</p> <p class="MsoNormal">Greitt var somuleiðis, at ein nýggjur vinnari fór at verða funnin, tí eingin av teimum níggju fremstu í Nýggjárshálvmaraton í fjør var við hesa ferð.</p> <p class="MsoNormal">Tá starturin gekk einar 500 metrar inni á Funningsfjarðarvegnum, vóru 24 mannfólk og eitt konufólk til reiðar at herja á teir 21,1 kilometrarnar, sum teinurin fevndi um – umvegis niðara Søldarfjarðarvegin og Fjørðuvegin í Runavík – út á málið á Toftakei.</p> <p class="MsoNormal"><o:p> </o:p> <p class="MsoNormal">Skjótt á odda<o:p></o:p> <p class="MsoNormal">Beinanvegin sást, at Eirikur Hansen, Andrass Joensen og Jonhard Larsen vóru teir, ið løgdu mest fyri, og teir tríggir vóru eisini fremstir mestsum allan vegin. Tá avtornaði, vóru tað eisini teir, ið endaðu á sigurspallinum við ávikavist gull-, silvur- og bronsumerkjum.</p> <p class="MsoNormal">Aftan fyri hesar tríggjar var eitt felt, ið helt seg samlað nokk so leingi, men tó nokk so skjótt dragnaði frá trimum teimum fremstu. Millum teirra, sum vóru í feltinum, var einasta kvinnan, Helga Súsanna Johansen, umframt Trygva Hansen, Dan Knudsen, Gunnar Dahl-Olsen, Jóhan M. Jacobsen og aðrar. Út ímóti Skipanesi nærkaðist feltið aftur teimum trimum fremstu, og Trygvi Hansen fekk í Søldarfirði fatur í Jonhard, men mátti lúta, tá teir fór niðan gjøgnum Byrgisbrekkuna úr Søldarfirði.</p> <p class="MsoNormal">Heilt har frammi økti Eirikur Hansen um munin aftur til Andrass Joensen, ið aftur var eitt fitt petti framman fyri Jonhard Larsen. Sum sagt, gjørdust hesir tríggir teir fremstu um málstrikuna, í nevndu raðfylgju.</p> <p class="MsoNormal">Andrass Joensen vann somuleiðis innanhýsis kappingina hjá veteranunum framman fyri Dan Knudsen og Óla Jákup Kristoffersen, og hjá superveteranunum var Ólavur Herup Olsen framman fyri Regin Jóanesarson. Helga Súsanna Johansen var einasta kvinnan, og gjørdist hon tí vinnari har – enntá við einari heilt góðari tíð, hóast tað annars ikki eyðkendi kappingina leygardagin.<i><o:p></o:p>

Eirikur bestur í mótvindinum

Mest lisið

Myndir: Sól og summar

Myndir: FM í estetiskum 2025

Til arbeiðis: Skuldi venja seg við arbeiðið á virkinum

Nú ridlar meirilutin fyri at hækka pensjónsaldurin

Myndir: EM-finala á Tórsvølli

Stórur amerikanskur bilframleiðari gevst at selja til Kina

Mette hevur framgongd í veljarakanning

Sonni er givin í Trongisvági

Ísrael skal loyva lastbilum við barnamati inn í Gaza

ES og Bretland eru samd: Nú lata vit upp ein nýggjan kapittul