Iveco er ein kendur evropeiskur framleiðari av vørubilum, lastbilum og bussum. Iveco verksmiðjan, sum varð sett á stovn í 1975, er ein samanrenning av fimm evropeiskum framleiðarum av størri bilum úr trimum ymiskum londum, Italia, Fraklandi og Týsklandi.
Iveco hevur verksmiðjur í Europa, Kina, India, Turkalandi, Australia, Argentina, Brasilia og Suðurafrika, og bilarnir verða seldir í 160 londum.
Iveco er dygdarmerki, og hetta sæst eisini aftur, tá Iveco í ymiskum støddum hevur vunnið fleiri altjóða heiðurlønir seinnu árini. Iveco er eisini leiðandi bilmerki úti í heimi, tá ræður um stórar bilar sum eru orkusparandi við minst møguligum útláti.
Vit síggja nógvar Iveco bussar á føroysku vegunum, bæði bussar hjá Bygdarleiðum og Bussleiðini.
Tað er Gervi á Hjalla, sum umboðar Iveco í Føroyum. Gervi hevur stóran verkstaðsbygning á Hjalla, sum kann bjóða góða tænastu til sínar kundar.
Umframt at reka lastbilaverkstað, har allar vanligar mekaniskar umvælingar verða gjørdar, hevur Gervi eisini sølu av eitt nú dekkum, felgum og eykalutum.
- Hóast vit umboða Iveco, tekur lastbilaverkstaðurin og smiðan hjá okkum sær av umvælingum av øllum bilamerkjum. Øll eru vælkomin at venda sær til okkara á tlf. 204400, um okkurt er, sum skal gerast, sigur Eyðbjørn Johansen, verkstaðsleiðari.
