Tað var vorðið sum "comeback" Elias Ellefsen á Skipagøtu fekk í sínum fyrsta dysti fyri Sävehof í bestu svensku hondbóltsdeildini aftaná drúgva skaðafráveru.
Sävehof vann á útivølli grannauppgerðina móti Önnered 34-33. Í steðginum var Sävehof á odda 19-16.
Elias gjørdist toppskjútti hjá Sävehof saman við Felix Möller við sjey málum. Elias legði eisini upp til níggju mál í kvøld, og gjørdi veruliga vart við seg. Óli skoraði tvey mál fyri Sävehof í kvøld.
Sävehof er næstfremst í deildini við 37 stigum. Kristianstad er oddalið við 40 stigum.
Næst fyri hjá Elias og Óla er at ferðast heim til Føroya fyri at fyrireika seg saman við hinum í landsliðshópinum til EM-undankappingardystirnar móti Rumenia.
Dysturin móti Rumenia í høllini á Hálsi í Havn verður leiktur komandi mikukvøld klokkan 19. FM1 sigur beinleiðis frá dystinum.