Føroyameistarakappingin í GoKart fyri virkir byrjar fríggjadagin 11. mai.
Talan er um kappingina Føroya Tele Cup, sum verður um vikuskiftini 11.-13. mai og 25.- 27. mai. Tað er AD-Import í Havn, ið skipar fyri kappingini, sum verður á økinum hjá Føroya Tele í Hoyvík. Eisini verður kapping millum MC-feløgini í Føroyum. Kappingin verður skipað við einum innleiðandi umfari og síðan eini kapping um meistaraheitið. Eins og í fjør verður skipað fyri Mini LeMans koyring. Hetta er ein kapping, sum varar í fýra tímar, og tað toymið sum hevur koyrt flest rundir í teir fýra tímarnar hevur vunnið.
