Fríggjadagin frá klokkan 16-17-30 skipa Norrøna felagið í Føroyum og Vinnihúsið fyri almennum fundi á Hotel Hafnia, har tey umrøða møguleikarnar hjá føroyskum fyritøkum at veksa um virksemið uttanfyri landoddarnar
Í hesum samband umrøða tey spurningin um forðingar eru, sum gera tað tvørligt hjá føroysku vinnuni at virka í javnari kapping í øðrum Norðurlondum.
Og so spyrja tey eisini um føroysk virki yvirhøvur hava áhuga fyri at royna seg uttanlands.
Á fundinum fer Annika Olsen, landsstýriskvinna við norðurlendskum samstarvi, at greiða frá um støðu Føroya í Norðurlondum uttan forðandi landamørk.
Marita Rasmussen, stjóri í Vinnuhúsinum, fer at greiða frá støðuni hjá føroyskum vinnufyritøkum, og teirra møguleikum at virka í øðrum londum.
Annita á Fríðriksmørk, samskipari hjá NORA, greiðir frá Halló Norðurlond-tænastuni og Herálvur Joensen, deildarleiðari í uttanríkistænastuni, greiðir frá royndunum, sum uttanríkistænastan hevur gjørt.
Aftan á verður høvi at seta spurningar og at kjakast um evni og at enda tekur
Johan Dahl, landsstýrismaður við vinnumálum, saman um.
