Tað verða royndir tónleikarar og sangarar, sum fara at framføra løg hjá eitt nú Teimum av Kamarinum, Simma og Connie, Hermanni Jacobsen, Tinganest og Kára P.
Theodor E. Dam Olsen fer í steðginum at hugleiða um, hvønn týdning serføroyski fólkatónleikurin hevur havt og framvegis hevur fyri okkum í Føroyum.
Tey sum framføra verða Petra Iversen, Anna Maria Olsen, Bjarki Meitil, Angelika Nielsen og Sámal Lindenskov. Eisini framføra Tummas Marni Joensen, Theodor E. Dam Olsen og Ari Johanneson úr Kvívík.
Eitt felagseyðkenni fyri tónleikararnir og sangararnar er, at teir hava okkurt tilknýti til Kvívík.
Høvi verður at keypa okkurt leskandi.
Eyðkenni fyri føroyskan fólkatónleik er, at hann í nógv ár hevur verið partur a gerandis- og vertsskapslívi føroyinga og er sermerktur á tann hátt, at føroyingar hava gjørt bæði orð og løg. Talan er um tónleik, sum kann flokkast í lættara endanum, tá um lagasmíð og skaldskap ræður, men sum í sniði og ljóði er ektaður og erligur.
Við hesum sangum hava Føroyar fingið ein sangskatt, sum kann kallast serføroyskur fólkatónleikur. Hesin tónleikurin er væl umtóktur millum fólk felst kring landið, tí einki fínt ella óskilligt er við honum. Enn livir hann væl, hóast tey fyrstu løgini vórðu gjørd fyri skjótt 60 árum síðani.
