Á skránni eru frásøgnir frá fótbóltsferðum, framsýning av myndum á stórskíggja, og verður eisini eitt sera áhugavert filmsklipp frá fótbóltsdysti í 1965 víst Leygarkvøldið 29. mars kl. 20.00 verður eitt spennandi og øðrvísi hugna- og mentanarkvøld í Stóra Pakkhúsi í Vági við heitinum ?Fótbóltsminnir úr Vági?.
Á skránni eru m.a. frásøgnir frá fótbóltsferðum, framsýning av myndum á stórskíggja, og verður eisini eitt sera áhugavert filmsklipp frá fótbóltsdysti í 1965 víst.
Lagt verður eisini upp til, at luttakarar og gestir siga frá teirra fótbóltsminnum.
Umframt frásøgnir og framsýningar, so verður eisini lættari ábit og felagssangur á skránni.
Eftir frásøgnirnar og framsýningarnar verður livandi tónleikur í Stóra Pakkhúsi við Neil og Hjalmar.
Atgongumerkir fáast í Kunningarstovuni í Vági
Atgongumerkir á 70,- kr. fáast til keyps í Kunningarstovuni í Vági. Tað er avmarkað atgongd til hugna- og mentanarkvøldið, upplýsa fyrireikararnir.
