Løgreglan fer nú aftur kring landið við saksinum at klippa nummarplátur av bilum.
Akstovan hevur nú latið politistøðunum kring landið 575 mál um eftirstøðu fyri veg- og umhvørvisgjøld, til at taka nummarspjøldrini av akførum, sum enn ikki hava goldið veg- og umhvørvisgjøld fyri seinna hálvár 2025.
Kann eigarin av akfarinum ikki vísa kvittan fyri goldin veg- og umhvørvisgjøld tekur politiið nummarspjøldrini av akfarinum.
