KÍF er í fyrstu Faxe Kondi steypafinaluni síðani 2014.
Tað er veruleiki aftaná sannførandi 31-22 sigurin hjá KÍF á StÍF í seinnu hálvfinaluni í høllini í Kollafirði. StÍF vann fyrru hálvfinaluna 29-27, og tí gjørdist talan um ein samlaðan 58-51 hálvfinalusigur til KÍF.
Strandingar vóru væl við í fyrra hálvleiki, og í steðginum var støðan javnleikur 15-15. Tá 10 minuttir vóru farnir av seinna hálvleiki var KÍF á odda 19-15. Milenko Jelic Jelkan í KÍF-málinum stongdi fyri, og so hvørt øktist munurin í dystinum, og harvið samlaði munurin í hálvfinaluuppgerðunum.
KÍF møtir antin H71 ella VÍF í Faxe Kondi steypafinaluni komandi leygardag. H71 og VÍF hittast í Hoyvíkshøllini klokkan 19. Har er støðan 22-22 frá fyrru hálvfinaluuppgerðini.
HER er dómaraseðilin frá HSF:
##med2##
