Fyri løtu síðani var eitt ferðsluóhapp á Sundi.
Tveir bilar rendu saman, men løgreglan sigur, at talan er ikki um álvarsamt ferðsluóhapp.
- Sløkkilið og sjúkrabilar eru á staðnum, umframt løgregluna, men tað er vanligt og av trygdarávum. Fólk eru koyrd á skaðastovuna til kanningar, sigur vakthavandi á løgreglustøðini í Havn.
Hann leggur afturat, at nú hendi nógv um somu tíð, og sipar til, at í Eysturoyartunlinum hendi eisini okkurt smávegis fyrr í kvøld.
Vegurin á Sundi er stongdur, men nú verður ruddað, og opið verður aftur hvørja løtu, sigur løgreglan.
