Fimleikarhøllin liðug til várs

- Arbeiðið at byggja nýggja fim­leik­ahøll við Løkin gong­ur væl. Høllin hevur rættil­iga tikið skap, og broytingar síggjast nærum dagliga.
Tað sigur Magnus Ras­mussen, borgarstjóri í Run­avíkar kommunu, í kunn­ing­arskrivi til sínar borg­arar, nú árið 2013 er farið at halla.
- Spenningurin er stórur mill­um fimleikarar og fólk flest í økinum at uppliva ta nýggju høllina. Áhugin er eisini stórur millum hini fimleikafeløgini kring land­ið at royna høllina.
Hann sigur, at nýggja fim­leik­a­r­høll­in eftir ætlan verð­ur liðug í vár og fer at geva fimleikinum í komm­ununi karmar, sum ikki hava verið áður.
- Nú nýggja og stás­i­liga fimleikahøllin verð­ur samanbygd við ítrótt­ar­høll­ina, hevur býráðið mett tað hóskandi at umvæla ítrótt­ar­høllina, soleiðis at hon kem­ur at líkjast tí nýggju fim­l­eikarhøllini.
Magnus Rasmussen vís­ir á, at ítróttarhøllin er víðk­að eystur eftir og hevur fing­ið eitt nýtt glaspartí í end­a­num, sum er meinlíkt tí í fim­l­eikahøllini.
- Ætlanin er eisini at dag­føra ítróttarhøllina við eitt nú at skifta út gólvið, sigur borg­ar­stjórin í Føroya trið størstu kommunu.