Sandavágs Talvfelag helt tørn, tá seinasta umfarið í liðkappingini í talvi varð telvað leygardag seinnapart í Sandavági. Felagið var best fyri undan finaluumfarinum og greiði 3-1 sigurin á Vestmanna sementeraði, at gullið skuldi til Vágarnar.
Talan er um ein søguligan sigur, nú hetta er á fyrsta sinni at FM-heitið fer vestur í Vágarnar síðani FM-kappingin í talvi fór av bakkastokki í 1970.
Stór mannfjøld var savnað, tá Albert Ellefsen, borgarstjóri, í Vága kommunu, bar fram røðu, har hann fegnaðist um avrikið og handaði gullkrónur til Torkil Nielsen, Rógva E. Nielsen, Høgna E. Nielsen, Olaf Berg og Carl Eli Nolsøe Samuelsen. Men eisini unglingarnar hjá Sandavágs Talvfelag fingu drúgvar lógvabrestir fyri FM-sigurin í unglingadeildini.
Og merkisvert er tað, at bert 13-ára gamli Høgni E. Nielsen telvdi 6 talv í bestu deildini og vann tey øll.
Í talvhøpi er talan um eitt satt bragd, soleiðis at knógva siðvandu feløgini úr Havnini, Vestmanna og Klaksvík.
Havnin stríddist manniliga, at fáa aftur Sandavág við 3-1 sigri á verandi FM-vinnarunum úr Klaksvíkini, hóast 1. borð, IM Helgi Dam Ziska, ikki hevði møguleika at vera við, nú hann luttekur í NM-høpi í Reykjavík í hesum døgum.
Endaliga støðan í 1. deild:
Sandavágur 29½
Havnin 27,0
Klaksvík 23½
Vestmanna 16,0
Klaksvík (2) 15,0
Sandavágur(2) 9,0 (flyta niður)
Gutti Petersen, sum fyri meira enn 40 árum síðani sjósetti Sandavágs Talvfelag, var ovurfegin um Gullið.
Havnar Telvingarfelag vann 2. Deild og flytir upp, meðan Skopunar Talvfelag greitt vann 3. Deild og flytir upp í 2. Deild.
Sí stigatalvur á www.faroechess.com
