##med2##

Tað hevur hilnast væl hjá ÍF í Fløtugerði higartil. Í kvøld vunnu teir annan sigurin á heimavølli, og farna vikuskiftið vóru teir eina hársbreidd frá at knógva ein javnleik heim móti Víkingi. Í kvøld vann ÍF greiðan 3-0 sigur á EB/Streymi.

ÍF-EB/Streymur 3-0 (1-0)

1-0 Elias Lervig (45.)

2-0 Karl A. Løkin br.sp. (73.)

3-0 Gundur E. Petersen (82.)

Á ljóðfíluni omanfyri ber til at hoyra samrøðuna FM1 gjørdi við ÍF-veteranin, Dánjal á Lakjuni. 

Dánjal stórfegnast um trivaliga sigurin í kvøld, og slær fast, at teir í ÍF ætla, at vøllurin í Fløtugerði skal vera ein sterkur heimaskansi hjá ÍF. Komandi sunnudag skal ÍF spæla móti HB á ovara vølli í Gundadali, har tað hevur gingið stak illa hjá ÍF seinnu árini. Dánjal er tó vónríkur um, at ÍF kann gera TB kunstin eftir og fáa stig við sær aftur til Fuglafjarðar.