Seinnapartin í dag fer FM1 at siga frá bæði fótbólti og hondbólti.
Klokkan 15 fer Tróndur Arge at siga frá dystinum í Betrideildini á Tórsvølli millum B36 og ÍF. Fylgt verður við gongdini í hinum fýra dystunum: NSÍ-TB og EB/Streymur-HB, ið byrja klokkan 15, og B68-Víkingur og 07 Vestur-KÍ sum byrja klokkan 16.
Klokkan 17 fer Sjúrður H. Hoydal at siga frá EM-undankappingardystinum í manshondbólti millum Føroyar og Russland. Andrias Eriksen verður viðmerkjari. Samsent verður við STAÐIÐ FM 101 í Vestmanna.
Hondbólts- og fótbóltssamrøður koma út á in.fo gjøgnum dagin og kvøldið.