Fjórði dysturin í 15. umfari verður leiktur á Svangaskarði á Toftum í kvøld.

Talan er um dystin millum B68 og HB, ið skal royna at reisa seg aftaná Champions League vónbrotið móti Inter D´Escaldes úr Andorra. 

Talan verður eisini um fyrsta dystin hjá HB aftaná høvuðsvenjarin, Jonas Dal Andersen kastaði handklæðið í ringin.

FM1 sigur beinleiðis frá dystinum. Ljóðsamrøður og hæddarpunkt koma út á in.fo aftaná dystin. 

In.fo hevur í samstarvi við dystir.fo beinleiðis tekstfrásøgn frá dystinum.

Øll kunnu hoyra FM1 á www.fm1.fo