##med2##
Ronnie Møller Iversen kundi blivið ein risastór hetja í sínum fyrsta betrideildardysti fyri EB/Streym, ið tók móti ÍF í dag.
Fyrst javnaði Ronnie Møller Iversen til 1-1 tá níggju minuttir vóru eftir av vanligu leiktíðini.
Í tíðini dómarin hevði lagt aftrat fekk danskarin møguleika at skora sigursmálið til 2-1 uppá brotsspark, men hann sendi bóltin uppum málið hjá Jákupi Nolsøe Olsen, og dysturin endaði við javnleiki 1-1.
Fyri Ronnie Møller Iversen gjørdist dysturin ein "Jekyll and Hyde" framførsla, sum bretar plaga at taka til.
Í fyrra hálvleiki legði toppskjúttin í Betrideildini 2020 Uros Stojanov á odda 1-0.
EB/Streymur-ÍF 1-1 (0-1)
0-1 Uros Stojanov (39.)
1-1 Ronnie Møller Iversen (81.)
Komandi sunnudag tekur ÍF móti TB í Fløtugerði í Fuglafirði. EB/Streymur tekur sama dag móti Víkingi í Hólmanum á Eiði.
Á ljóðfíluni omanfyri ber til at hoyra hvussu tað ljóðaði á FM1 tá frásøgumaðurin, Tróndur Arge segði frá hæddarpunktunum í dystinum á Eiði.
HER ber til at hoyra samrøðurnar Tróndur Arge gjørdi við høvuðsvenjararnar, Jákup Martin Joensen hjá EB/Streymi og Ólavur Larsen hjá ÍF.
##med3##
