##med2##
B36 spældi sín besta dyst hetta kappingarár á nýggja fyribils heimavøllinum, Tórsvølli tá teir møttu KÍ í dag. Dysturin endaði við stórsigri 6-2.
B36 – KÍ 6-2 (3-1)
0-1: Jákup B. Andreasen (6.)
1-1: Sebastian Pingel (22.)
2-1: Michal Przybylski (30.)
3-1: Michal Przybylski (35.)
3-2: Ole Erik Midtskogen (53.)
4-2: Sebastian Pingel (58.)
5-2: Alex Mellemgaard br. (65.)
6-2: Hannes Agnarsson (90.)
Á ljóðfíluni omanfyri ber til at hoyra frá FM1:
1) Hoyr hvussu tað ljóðaði á FM1 tá frásøgumaðurin, Tróndur Arge segði frá teimum átta málunum sum komu í dystinum á Tórsvølli. Teitur Joensen var viðmerkjari til dystarfrásøgnina.
2) Hoyr Teit Joensen taka samanum eitt framúrskarandi avrik hjá B36. Teitur staðfestir, at B36 hevur framúr góðar offensivar kvalitetir á liðnum, og tað bilar minni, at liðið fær nøkur mál ímóti sær tá so nógv verður skorað í hinum endanum. Teitur væntar, at hetta var ein einkultur niðurtúrur hjá KÍ, og hann væntar eitt aftursvar frá FM-vinnarunum skjótt.
3) Hoyr ein ovurfegnan høvuðsvenjara hjá B36, Jákup á Borg í samrøðu við Trónd Arge seta orð á framúrskarandi avrikið hjá sínum monnum í dag, ið hann heldur hava alt rós uppiborið í dag.
4) Hoyr samrøðuna Tróndur Arge gjørdi við tvímálsskjúttan hjá B36, Michal Przybylski sum als ikki hevði væntað ein so stóran sigur í dag.
HER ber til at hoyra samrøðuna FM1 gjørdi við høvuðsvenjaran hjá KÍ, Mikkjal Thomassen.
