Jóhanna Norðberg Niclasen, sum í tónleikahøpi kallar seg Sissal, fer at royna seg í danska Melodi Grand Prixnum.
Tað kunngerð DR í morgun á heimasíðu síni.
Hon skal syngja ein sang, sum kallast "Hallucination".
– Sangurin snýr seg um at møta einum persóni, har sambandið kennist so rætt, at tað virkar næstan óveruligt, sigur hon.
– Eg vóni, at fólk kunnu spegla sær í mínum tónleiki og í mær sum persóni. Eg vil vísa, at man kann vera lekkur og sunn, sjálvt um man ikki er tunn, sigur hon millum annað.
Grand Prixið verður leygardagin 1. mars.
LES EISINI: – Eg droymi um gjøgnumbrot í Danmark
