Mette Frederiksen hevur kalla til tíðindafund á Marienborg á middegi, har hon kemur við einum boðum.
Mette Frederiksen, forsætisráðfrú hevur kallað til tíðindafund á Marienborg klokkan 13, har roknað verður við, at hon fer at skriva út Fólkatingsval.
Í innkallingini til tíðindafundin upplýsir Forsætismálaráðið, at forsætisráðfrúan fer at koma við einum boðum. Miðlarnir sleppa ikki at seta henni spurningar á tíðindafundinum.
Marienborg er embætisbústaðurin hjá forsætisráðfrúuni, og er í Kongens Lyngby.
Í morgin fara tey Radikalu at seta fram misálit á stjórnina, um valið ikki er skrivað út tá.
Tað var eitt ultimatum, sum flokkurin kom við fyrst í juli, eftir at minkanevndin hevði harðar atfinningar av Mette Frederiksen og stjórnini.
Tí hevur so nógv tos verið um val seinastu dagarnar. Mette Frederiksen segði tað næstan í gjárkvøldið, at valið verður skrivað út í dag.
/ritzau/
