Forsetin í Fílabeinsstrondini, 83 ára gamli, Alassane Ouattara, gjørdist vinnari á ársins forsetavali við 90 prosentum av atkvøðunum.
Alassane Ouattara heldur tískil fram í forsetaembætinum og fer nú undir fjórða skeiðið við valdinum.
Norska kringvarpið - NRK - veit at siga, at tveir av fremstu avbjóðarunum hjá forsetanum sluppu ikki at stilla upp á valinum.
Lagt verður aftrat, at sitandi forseti, sum nú fær eitt skeið aftrat, setti eisini forboð fyri mótmælisgongum í vikuni undan valinum.
