Tey ið hava áhuga fyri floferðslu og serliga flogferðsluni við Føroyar hava nú fingið ein góðan og ókeypis møguleika fyri hesum.
Um vikuskiftið settu tey hjá Føroyskum Radioamatørum nevniliga eina skipan til, ið gevur fólki henda møguleika. Hetta er gjørt í samstarvi við heimasíðuna flightradar.com.
Við hesi skipan sæst, hvørji flogfør flúgva yvir Føroyum og hvar flogførini hjá Atlantsflogi eru stødd til eina og hvørja tíð.
Beint fyri klokkan 11 í morgun sást, at eitt flogfar hjá Transaero var ávegis úr Mexico til Moskva var statt beint sunnanfyri Suðuroynna. Ferðin hjá flogfarinum var 887 kilometur um tíman og tað fleyg í 11.278 metrar hædd.
Leinkja til heimasíðuna er henda: www.flightradar24.com
