Tað er sanniliga eitt skeið við einum framstandandi venjara, sum Venjarafelag Føroya kann bjóða næsta vikuskiftið. Tá kemur fyrrverandi venjarin hjá kenda týska felagnum, Schalke 04, Peter Schreiner til Føroya á vitjan.
Um skeiðið skrivar Venjarafelag Føroya á heimasíðu sínari vff.fo: - Vit vita, at vit herheima hava langt á mál tá ið vit samanmeta okkum við leikarar á hægsta støði uttanlanda, kanska einamest tekniskt. Hetta skeiðið setur ljóskastaran á m.a. hesa avbjóðingina og hvussu leikarar í Spania, Týsklandi og Hollandi venja fyri at koma á hetta høga støði.
Endamál/innihald: Vísa á serliga tekniskar menningar møguleikar í venjingini av ungum og vaksnum leikarum. Tann stóra yvirskriftin hjá Peter Schreiner hesar dagarnar er:
High Speed Soccer
Teaching -“Tiqui taca” and “One-Touch-Soccer”
Læra frá teimum størstu í Evropa (Spania, Holland og Týskland) hvussu vit dominera á mótstøðuliðinum.
Við at TRÝSTA á PÍLIN undir myndini ber til at hoyra eina samrøðu við Frankie Jensen frá venjarafelagnum um skeiðið við Peter Schreiner.
