Fríggjakvøldið verður fyrsti dysturin í nýggju landsliðskappingini, Nations League. Føroyar skulu á heimavølli spæla móti Malta. Nú hevur landsliðsvenjarin hjá Malta, Ray Farrugia, úttikið hópin til dystin á Tórsvølli.
Les eisini: Føroyski hópurin úttikin
Vert er at leggja merki til, at 37 ára gamli Michael Mifsud er framvegis við á landsliðnum. Hann spælir við Birkirkara, sum tapti fyri KÍ í Europa League fyrr í ár. Hann er samlaður toppskjútti á maltesiska landsliðnum við 40 málum.
Annars er talan næstan bara um spælarar, sum spæla á Malta. Fyri uttan Andrè Schembri, sum spælir við Apollon Limassol á Kýpos, og Zach Muscat, sum spælir við Pistoiese í triðj bestu deildini í Italia.
Seinast Føroyar spældu móti Malta var í 2004. Tað seinast ferð, at Føroyar hava spælt ein venjingarlandsdyst í Føroyum. Tá vunnu okkara 3-2 við málum, sum Jákup á Borg, Rógvi Jacobsen og Fróði Benjaminsen skoraðu. Ein av málskjúttunum hjá Malta var Michael Mifsud.
Landsdysturin millum Føroyar og Malta verður fríggjakvøldið klokkan 19.45 á Tórsvølli.
Hópurin hjá Malta:
Málverjar:
Henry Bonello (Valletta); Andrew Hogg (Hibernians); Steve Sultana (Balzan).
Verjuspælarar:
Ferdinando Apap (Victoria Hotspurs); Andrei Agius (Hibernians); Steve Borg (Valletta); Ryan Camilleri (Valletta); Michael Johnson (Balzan); Joseph Mbong (Hibernians); Zach Muscat (Pistoiese); Joseph Zerafa (Valletta).
Miðvallarar:
Johann Bezzina (Hibernians); Roderick Briffa (Gżira United); Juan Corbalan (Gżira United); Paul Fenech (Birkirkara); Ryan Fenech (Sliema Wanderers); Rowen Muscat (Valletta); Stephen Pisani (Floriana);
Áleyparar:
Andrew Cohen (Gżira United); Alfred Effiong (Balzan); Jean Paul Farrugia (Sliema Wanderers); Michael Mifsud (Birkirkara); Andrè Schembri (Apollon Limassol, Cyprus).
