Gilli Rólantsson Sørensen skrivar í løtuni undir nýggjan sáttmála við Brann Bergen. Eftir fleiri mánaðir av óvissu er nú greitt, at føroyski landsliðsspælarin heldur fram í Brann Bergen til 2020.
- Hetta er eitt tilboð, sum vísir, at teir veruliga vilja hava meg her, segði Gilli Rólantsson við in.fo fyri kortum.
Tvøramaðurin hevur verið í eini tvístøðu, eftir at Brann Bergen og hann ikki komu á mál í sáttmálasamráðinginum. Síðani hevur hann verið eitt sindur útifrystur, tá Brann millum annað hevur havt fulla kvotu av útlendingum í hópinum.
Les eisini: Gilli fingið nýtt tilboð
Sum skilst, so verður sáttmálin undirskrivaður í løtuni. Gilli Rólantsson Sørensen er úttikin til A-landsliðið, sum komandi vikurnar skal á venjingarlegu í Marbella í Spania.
