Úrslitið hjá Bakkafrost fyrra hálvár í ár var 323 milliónir krónur eftir skatt, samaborið við 213 milliónir fyrra hálvár í fjør.
Annan ársfjórðing hevði Bakkafrost eitt rakstrarúrslit upp á 303 milliónir krónur, sum er 43 prosent betri enn annan ársfjórðing í fjør, og eftir skatt var úrslitið 191 milliónir krónur annan ársfjórðing.
- Kappingin á altjóða marknaðinum er hørð, og vit gleðast um at vit standa okkum í kappingini, sigur Regin Jacobsen, stjóri á Bakkafrost, við Rás 2.
