Trý føroyingalið vóru í leiki í bestu donsku hondbóltsdeildini í kvøld, og einki stig fekst til høldar hjá teimum trimum liðunum.

Landsliðsmálverjin, Rakul S. Wardum (myndin) og liðfelagarnir í Ringkøbing taptu á heimavølli 27-36 fyri Skanderborg. Útiliðið var á odda 17-14 í steðginum.

Rakul stóð seg eitt vet frægari enn kappingarneytin, Ida Vium í kvøld. Rakul bjargaði 26 prosent av málroyndunum, meðan Ida Vium bjargaði 25 prosent.

Sunnudagin klokkan 13 skal Ringkøbing spæla móti toppliðnum, Odense á útivølli. 

Jana Mittún og liðfelagarnir í Viborg taptu 24-34 á útivølli fyri Team Esbjerg, ið higartil hevur vunnið 23 av 23 dystum í deildini. Í steðginum var Team Esbjerg á odda 15-9.

Jana skoraði eitt mál og legði upp til eitt mál.

Súna K. Hansen og liðfelagarnir í Ajax taptu á heimavølli stórt 15-37 fyri Odense. Odense var á odda 19-7 í steðginum. 

Ajax hevur tapt 23 av 23 dystum, og tær flyta niður í næstbestu deildina.

Súna skoraði tvey mál og legði upp til tvey mál.

Komandi leygardag klokkan 15 verður føroyingauppgerð. Tá tekur Viborg ímóti Ajax á heimavølli. 

Støðan: